2017年12月14日星期四

到埗啦!香港歡迎我~

這個聖誕,海豚兒和Mr. Dolphin會首次一起在香港渡過。未到聖誕前,我倆先會去大阪吃喝玩樂一星期。

因為海豚兒放假早過Mr. Dolphin一日,所以亦行先一步,早一日回港,借機和好友相聚。可惜今趟留港時間太短啦,未有足夠時間跟各方友好見面,下次下次,下次大概可以。。。查實呢個旅程係有點預算之外嘅,都係早幾個月才決定,主要原因係難得聖誕當期都可以用分換到機票,加上我倆本打算下年同家人去大阪自由行,但當中有團友因為擔心自由行辛苦所以反應一般,咁我倆就借啲耳順便探下路啦,哈哈!

祝各位聖誕快樂!回來見!

2017年12月5日星期二

善用時間寫篇blog

襯等緊人,飛快寫下最近兩個月的“食”程吧!

某個星期五晚上,Mr. Dolphin和海豚兒吃了北美式晚餐,雞翼嘅醬有啲似呃鬼佬嘅中式醬汁麻麻地啦,反而burger同三文治就唔錯。




接下來的星期六,我倆再接再厲,繼續食北美式西餐,今次嘅兩款主菜都好好味呀,係差在個甜品曲奇唔係喺個盤即焗出黎,唔夠新鮮熱辣啫。

2017年11月23日星期四

零時十分

對上幾年的主子生日,海豚兒和Mr. Dolphin主子也放假自製長週末和主子慶生。可惜今年假期不夠用(汗),Mr. Dolphin和海豚兒唯有將慶生節目在Mr. Dolphin生日前的週末進行。

星期五晚上,本來沒有甚麽打算,難得Mr. Dolphin有興趣暴食自助餐,海豚兒當然要陪太()食buffet啦。海豚兒只簡單拍下幾張照片,食物質素當然不及香港自助餐啦,但價錢亦相對便宜一大截就是咯!




2017年11月12日星期日

優良血統

最近私人時間真的不夠用,所以較少寫blog。上回講到結婚週年海豚兒不大滿意塊扒嘛,於是隔了兩星期後,我倆又去了另一家餐廳鋸扒咯!

今次海豚兒和Mr. Dolphin也非常滿意呀,由免費送上的蒜蓉多士,跟餐的沙律,散點的龍蝦湯,和兩款主菜也超級好味,Mr. Dolphin尤其滿意他質量並重的鮮美帶子,不過海豚兒的扒扒也真的太巨型無法完成呀,好在Mr. Dolphin抵得諗幫忙清碟,海豚兒才可以食埋這個賣相一般~走實力派路線的tiramisu咋,嘻嘻!